Trademark IP
ម៉ាក គឺជាសញ្ញាដែលមើលឃើញ ហើយអាចសំគាល់លក្ខណ:ខុសគ្នានៃទំនិញ ឬសេវានៃសហគ្រាសនីមួយៗ។ ម៉ាកដែលប្រើប្រាស់សំរាប់ទំនិញហៅថាពាណិជ្ជសញ្ញា ហើយម៉ាកដែលប្រើប្រាស់សំរាប់ សេវាហៅថា សេវាសញ្ញា។ម៉ាកមានច្រើនប្រភេទដូចជា៖
![](https://cambodiaip.gov.kh/wp-content/uploads/2024/03/Word-marks.jpg)
ម៉ាកជាពាក្យ
![](https://cambodiaip.gov.kh/wp-content/uploads/2024/03/Letter-marks.jpg)
ម៉ាកជាអក្សរ
![](https://cambodiaip.gov.kh/wp-content/uploads/2024/03/Number-mark.jpg)
ម៉ាកជាលេខ
![](https://cambodiaip.gov.kh/wp-content/uploads/2024/03/Logo-marks.jpg)
ម៉ាកជារូបសញ្ញា
![](https://cambodiaip.gov.kh/wp-content/uploads/2024/03/Device-marks.jpg)
ម៉ាកជានិមិត្តសញ្ញា
![](https://cambodiaip.gov.kh/wp-content/uploads/2024/03/Label-marks.jpg)
ម៉ាកជាស្លាកសញ្ញា
![](https://cambodiaip.gov.kh/wp-content/uploads/2024/03/Word-Number-mark.jpg)
ម៉ាកជាការរួមគ្នានៃពាក្យនិងលេខ
![](https://cambodiaip.gov.kh/wp-content/uploads/2024/03/Letter-Logo-marks.jpg)
ម៉ាកជាការរួមគ្នានៃអក្សរនិងរូបសញ្ញា
![](https://cambodiaip.gov.kh/wp-content/uploads/2024/03/Color-marks.jpg)
ម៉ាកជាពណ៌
![](https://cambodiaip.gov.kh/wp-content/uploads/2024/03/Combination-of-color-mark.jpg)
ម៉ាកអាចជាពណ៌ច្រើនចំរុះគ្នា
![](https://cambodiaip.gov.kh/wp-content/uploads/2024/03/Name-marks.jpg)
ម៉ាកជាឈ្មោះ
![](https://cambodiaip.gov.kh/wp-content/uploads/2024/03/Three-dimensional-marks.jpg)
ម៉ាកជាសញ្ញាដែលមើលឆ្លុះបីជ្រុង
![](https://cambodiaip.gov.kh/wp-content/uploads/2024/03/Signature-mark.jpg)
ម៉ាកជាហត្ថលេខា
ម៉ាកអាចមានលក្ខណៈជា ពាក្យ អក្សរ រូបភាព រូបសញ្ញា (ឡូហ្គោ) និមិត្តសញ្ញា ពណ៌ បង្គុំនៃពណ៌ ឬបង្គុំនៃសញ្ញាទាំងនេះ។ មិនមែនគ្រប់ម៉ាកទាំងអស់ សុទ្ធតែអាចចុះបញ្ជីដើម្បីទទួលបានកិច្ចការពារនោះទេ។ តាមមាត្រា៤នៃច្បាប់ស្តីពីម៉ាក ពាណិជ្ជនាម និងអំពើនៃ ការប្រកួតប្រជែងមិនស្មោះត្រង់ កំណត់ពីម៉ាកមួយចំនួនដែលមិនអាចចុះបញ្ជីបាន ដូចខាងក្រោមៈ
- ម៉ាកដែលមិនអាចសម្គាល់លក្ខណៈខុសគ្នានៃទំនិញឬសេវា របស់សហគ្រាសមួយទៅនឹងសហគ្រាសមួយផ្សេងទៀត។
- ម៉ាកដែលបណ្តាលឱ្យប៉ះពាល់ដល់សណ្តាប់ធ្នាប់សាធារណៈ សីលធម៌ ឬប្រពៃណីល្អរបស់ជាតិ។
- ម៉ាកដែលនាំឱ្យសាធារណជនឬមជ្ឈដ្ឋានពាណិជ្ជកម្មភាន់ច្រឡំទៅនឹងប្រភពភូមិសាស្ត្រទំនិញឬសេវាពាក់ព័ន្ធ ឬធាតុដើមឬលក្ខណៈខាងក្រៅរបស់ទំនិញឬសេវានោះ។
- ម៉ាកដែលដូចគ្នានឹង/ឬត្រាប់តាម ឬមានចំណុចណាមួយដូច សញ្ញាជាតិ ទង់ជាតិ និងនិមិត្តរូបផ្សេងៗ ឈ្មោះឬឈ្មោះសង្ខេប ឬអក្សរកាត់ ឬសញ្ញាឬត្រាជាផ្លូវការ ដែលអនុម័ត ដោយរដ្ឋណាមួយ អង្គការអន្តររដ្ឋាភិបាល ឬអង្គការដែលបង្កើតដោយអនុសញ្ញាអន្តរជាតិមួយ លើកលែងតែមានការអនុញ្ញាតពីអាជ្ញាធរមានសមត្ថកិច្ច នៃរដ្ឋនោះឬអង្គការនោះ។
- ម៉ាកដែលដូចគ្នាឬប្រហាក់ប្រហែលគ្នា ដែលនាំឱ្យច្រឡំនឹងម៉ាកឬពាណិជ្ជនាមមួយដែលល្បីក្នុងព្រះរាជាណាចក្រកម្ពុជា ឬបង្កើតពីការបកប្រែនៃម៉ាកឬ ពាណិជ្ជនាមដែលល្បីនោះ សម្រាប់ទំនិញឬសេវាដូចគ្នាឬប្រហាក់ប្រហែលគ្នានៃសហគ្រាសមួយទៀត។
- ម៉ាកដែលដូចគ្នាឬប្រហាក់ប្រហែលដែលនាំឱ្យច្រឡំនឹងម៉ាកឬពាណិជ្ជនាមមួយដែលល្បីឬបង្កើតពីការបកប្រែនៃម៉ាកឬពាណិជ្ជនាមដែលល្បីនោះ ហើយដែលបានចុះបញ្ជីនៅក្នុង ព្រះរាជាណាចក្រកម្ពុជា សម្រាប់ទំនិញឬសេវាដែលមិនដូចគ្នា ឬមិនប្រហាក់ប្រហែលគ្នា ដោយការប្រើប្រាស់ម៉ាកនោះ ធ្វើឱ្យខូចខាតប្រយោជន៍របស់ម្ចាស់ម៉ាកល្បី។
- ម៉ាកដែលដូចឬស្ទើរតែដូចគ្នាទាំងស្រុងទៅនឹងម៉ាកដែលជាកម្មសិទ្ធិរបស់ម្ចាស់ផ្សេង ដែលបានចុះបញ្ជីរួចហើយ ឬបានដាក់ពាក្យស្នើសុំចុះបញ្ជីមុន ឬបានទទួលអាទិភាពចុះបញ្ជីមុន នៅឯបរទេស ចំពោះទំនិញឬសេវាដូចគ្នាឬទំនិញឬសេវាដែលពាក់ព័ន្ធគ្នាយ៉ាងជិតស្និទ្ធិ។
Last updated on: May 21, 2024